Charles dërgoi mesazhin e tij të parë për Krishtlindje si mbret. Xhirimet u zhvilluan në Kështjellën Windsor, një vend plot simbolika pasi prindërit e tij janë varrosur atje. Në të njëjtin vend, nëna e tij Mbretëresha Elizabeth kishte dhënë mesazhin e saj të Krishtlindjes në 1999.
Fjalimi i tij filloi me reflektimin e tij “aq afër vendit ku nëna ime e dashur prehet me babanë tim të dashur”, ndërsa ai falënderoi njerëzit për dashurinë që i dërguan atij përmes kartave dhe mesazheve.
Monarku i bëri homazhe nënës së tij dhe iu referua atyre njerëzve që kanë humbur të dashurit. “Krishtlindja është një kohë veçanërisht e dhimbshme për të gjithë ne që kemi humbur të dashurit. Ne e ndiejmë mungesën e tyre dhe i kujtojmë ata”, tha Mbreti Charles.
Sakaq, mbreti përfshiu djalin e tij Princin e Uellsit në fjalimin e tij, së bashku me gruan e tij Kate, por nuk përmendi Princin Harry dhe gruan Meghan Markle.
Arsyeja pse Mbreti Charles nuk i përmendi Princin Harry dhe Meghan Markle në mesazhin e tij
Princi Harry dhe gruaja e tij Meghan Markle tani kanë hequr dorë nga të gjitha rolet e tyre, kështu që ata nuk u përfshinë në fjalimin e mbretit.
Në një mesazh emocionues para shërbimit, Princesha Kate bëri homazhe për mbretëreshën e ndjerë. “Këto Krishtlindje do të jenë të parat tona pa madhërinë e saj të ndjerë Mbretëreshën Elizabeth”, tha ai. “Madhështia e saj i mbajti Krishtlindjet afër zemrës së saj si një kohë për të bashkuar njerëzit dhe për të na kujtuar rëndësinë e besimit, miqësisë dhe familjes dhe për të treguar dashuri dhe dhembshuri.” tha Charles në përfundim./abcnews.al
