Kompania automobilistike ‘Renault’ kontakton Artan Thaqin për veturën e Cimës

Vitin që lamë pas, me datë 26 mars ndërroi jetë në moshën 71 vjeçare aktori i shquar kosovar, Rasim Thaçi, për publikun i njohur si Cima.

Ai la pas kujtime të bukura për të gjithë shqiptarët, la pas krenarë fëmijët e tij dhe gjithashtu makinën e famshme të tipit Renault 5.

Janë bërë 50 vjet që kur ky model i makinës së markës franceze u lansua në treg dhe kompania po zhvillon një kampanjë në nder të modelit legjendar.

Si rrjedhojë, kompania franceze kanë kontaktuar Artan Thaqin, të birin e aktorit të ndjerë në lidhje me makinën Renault 5.

Lajmin e bëri të ditur vetë ai me anë të disa postimeve në llogarinë e tij në Instagram.