Lori është këngëtarja më diellore që ka skena jonë muzikore. Gjithmonë me hite, me stil dhe e kërkuar. Çfarë thotë për vitin që po shkon e vitin që po vjen? Flet Lori në “Kosovare”.
2020-shin do ta kujtosh për…
Për pandeminë. Që nga muaji mars ky vit ishte mjaftë i vështirë për të gjithë. Përveç stinës së verës që u munduam ta shfrytëzojmë për pushime, muajt tjetër shkuan duke u mësuar që mos ti marrim gjërat shumë për zemër. Uroj që asnjë vit tjetër të mos i ngjaj vitit 2020.
Për çka do ta mbani mend vitin 2020?
Nuk do të mbahet mend për asgjë, kështu që mos u kujtoftë asnjëherë.
Ke pasur mbrëmje, apo këtë vit pandemik në këtë aspekt ka qenë zero?
Nga muaji janar e deri në muajin mars, çdo gjë ishte si zakonisht. Në fakt, kam pasur edhe mbrëmje muzikore për Pavarësi dhe për festën e 8 Marsit. Pastaj edhe muajt që i kam kaluar pranë familjes time. Disa muaj i kam kaluar me kënaqësi pranë familjes sime, pasi jetoj larg tyre.
Ke sjell edhe këngë të bukur. Të urojmë…
“Mirë dashnija” që u prezantua në fundvit u pëlqye mjaftë. Do të vijnë të tjera gjëra tutje.
Ke në mendje dëshira për vitin e ri 2021?
Të jemi gjallë e shëndosh dhe të gjithë atyre që e kanë kaluar virusin, të jenë mirë. Ngushëllime atyre që kanë humbur personat e zemrës. Dëshira është që të jetojmë një vit më të mbarë.
Një plan që do e realizoni gjatë vitit 2021?
Nuk dua të bëjmë plane. Çdo gjë dua t’ia lë kohës.
Urimi juaj ?
Shëndet e jetë të gjatë. Shpresoj që ketë vit të kaloj kjo pandemi gjë që është kryesore për të gjithë, dhe ti kthehemi jetës normale.
Arta Dreshaj
