Kryetarja e Kuvendit të Kosovës, Vjosa Osmani, ka bërë sot të ditur se Ministria e Shëndetësia ka porositur 13 mijë e 500 teste.
Osmani kështu bëri të ditur pas takimit me kryeministrin në detyrë, Albin Kurti lidhur me situatën rreth pandemisë COVID-19.
Sipas saj, në këtë takim ku ishte i pranishëm edhe ministri Arben Vitia, ka bërë të ditur se ka tashmë shteti i Katarit dhe Luksemburgut ka treguar gatishmëri për ta ndihmuar Kosovën në ballafaqimin me COVID-19.
“…Ka një ndihmë të dakorduar nga shteti i Luksemburgut dhe i Katarit që lidhet drejtpërdrejtë me teste dhe në ndërkohë që Qeveria e Kosovës ka porositur 13.500 teste tjera për të cilat kanë kaluar procedurat…”, tha ajo.
Sipas kryeparlamentares Osmani, Kosova është përballur edhe me refuzim të kërkesave të saja, për shkak se e gjithë bota po përballet me pandeminë COVID-19.
“Për shkak se kjo pandemi e ka përfshirë gjithë botën kërkesat e Kosovës që të ketë ndihmë rreth testeve apo aparaturave mjekësore, shpeshherë nuk kanë mundur që të realizohen për shkak se të gjitha vendet po përballen me pandeminë”, tha ajo.
