Nxirja e buzëve është një problem estetik që prek shumë njerëz dhe shpesh shkaktohet nga faktorë si ekspozimi në diell, pirja e duhanit, mungesa e vitaminave apo përdorimi i produkteve kozmetike me përbërës të dëmshëm.
Sipas ekspertëve, kujdesi i rregullt dhe disa trajtime natyrale mund të ndihmojnë në rikthimin e ngjyrës natyrale të buzëve. Rekomandohet pastrimi i buzëve me scrub natyral (sheqer dhe vaj kokosi), përdorimi i balsamit me mbrojtje UV, si dhe aplikimi i përbërësve si lëng limoni me mjaltë, vaj i vitaminës E apo xheli i Aloe Verës.
Gjithashtu, këshillohet shmangia e zakoneve të dëmshme si pirja e duhanit apo kafeina e tepërt dhe rritja e konsumit të ujit dhe vitaminave.
Nëse nxirja zgjat më shumë se një muaj apo shoqërohet me simptoma të tjera, duhet kërkuar ndihmë mjekësore për të përjashtuar problemet më serioze.
