Personi i vrarë sot ishte në kërkim të Policisë për dhunë fizike ndaj gruas së tij

Një ngjarje e rëndë tronditi Prishtinën, por edhe gjithë Kosovën në orët e para të mbrëmjes së sotme.

Babai privoi nga jeta në podrumin e objektit ku jetonte, djalin e tij.

Viktima është biznesmeni i njohur, Albert Krasniqi, ku IndeksOnline ka raportuar ekskluzivisht duke dhënë edhe detaje të tjera në lidhje me vrasjen.

Por burime të IndeksOnline mësojnë gjithashtu se i ndjeri, kishte pasur edhe probleme me shtetin.

Ai kishte qenë i kërkuar nga Policia e Kosovës, për veprën penale dhunë fizike, që kishte ushtruar ndaj ish-gruas tashmë të tij, ish-missit Besa Gashi, me të cilën çifti ka dhe një vajzë.

Kujtojmë që para dy ditësh, u dha lajmi edhe mbi ndarjen e çiftit, të cilët vendosën t’i japin fund martesës së tyre disa vjeçare.