Gjumi është një nga momentet më personale të ditës, dhe mënyra se si zgjedhim të flemë flet shumë për lidhjen tonë me trupin, rehatinë dhe mirëqenien. Një numër gjithnjë në rritje njerëzish po zgjedhin të flenë pa veshje – dhe kjo nuk është vetëm çështje preferencash.
Sipas ekspertëve, të fjeturit i zhveshur ka disa përfitime reale – nga cilësia më e mirë e gjumit, tek vetëbesimi dhe madje edhe shëndeti i lëkurës.
“Kur trupi ftohet natyrshëm gjatë natës, gjumi thellohet dhe truri pushon më mirë,” thotë një studim i publikuar nga National Sleep Foundation. Temperaturat e ulëta trupore ndihmojnë në çlirimin e melatoninës dhe hormonit të rritjes, të dyja të rëndësishme për rigjenerimin e trupit.
Por përveç aspektit biologjik, shumë persona ndihen emocionalisht më të lirë dhe të çliruar kur flenë pa rroba. Ky zakon lidhet edhe me rritjen e vetëbesimit dhe ndjesisë së pranimit të trupit.
Në çift? Efekti është edhe më i fortë. Kontakti i lëkurës me lëkurë nxit lirimin e oksitocinës, hormonit të lidhjes dhe dashurisë – duke përmirësuar marrëdhëniet intime dhe gjumin në të njëjtën kohë.
Nga ana tjetër, fjetja nudo ndihmon në ajrosjen e lëkurës dhe zvogëlon mundësinë e irritimeve apo infeksioneve në zonat intime – sidomos gjatë muajve të nxehtë.
Pra, nëse s’e keni provuar ende, ndoshta është koha të hiqni pizhamet dhe t’i jepni trupit tuaj një natë të lirë.
