Dy ish- punonjëse të “Donda Academy” po padisin Kanye West, shkollën e tij dhe drejtorët e saj për diskriminim racor.
Mësueset Cecilia Hailey dhe Chekarey Byers pretendojnë në dokumentet ligjore të siguruara nga Page Six se ata ishin diskriminuar në bazë të racës së tyre, kishin mbajtur paga në mënyrë të paligjshme dhe u pushuan në mars 2023 si hakmarrje për raportimin e shkeljeve të kodit.
Hailey dhe Byers thonë se ishin të vetmet mësuese femra me ngjyrë, të punësuara nga “Donda Academy”.
Hailey thotë se ajo filloi të vërejë shkelje të shumta të shëndetit dhe sigurisë, si dhe praktika të paligjshme arsimore, por pretendon se asgjë nuk ishte bërë kur ajo i çoi shqetësimet e saj drejtoreshës së shkollës, Moira Love.
Dokumentet gjithashtu pretendojnë se studentët ushqeheshin vetëm një vakt në ditë, i cili ishte sushi, dhe u ndalohej të sillnin jashtë ushqim ose ndonjë gjë tjetër përveç ujit për të pirë.
West, 45 vjeç, dyshohet se vetë shpenzoi 10,000 dollarë në javë për sushi.
Për më tepër, mësuesit pretendojnë se stilisti i Yeezy ndaloi “fjalëkryqet” dhe “fletët e ngjyrosur” dhe nuk do t’i lejonte fëmijët të dilnin jashtë gjatë ditës, madje edhe për drekë apo pushim.
Për më tepër, dyert e shkollës Simi Valley, Kaliforni, dyshohet se ishin të kyçura nga jashtë, gjë që krijonte rrezik zjarri.
“Donda Academy”, e cila u mbyll përkohësisht në vjeshtë në mes të sharjeve antisemite nga West, gjithashtu nuk kishte personelin e duhur mjekësor dhe mjekimet e fëmijëve do të “ruheshin në dollapin e portit”, sipas padisë.
Ata të dy janë duke paditur për të rikuperuar pagat e papaguara, humbjen e të ardhurave dhe përfitimet e tjera të punësimit. Ata gjithashtu shpresojnë të marrin dëme për shqetësimet emocionale dhe shpenzimet mjekësore.
