Një rrahje ka ndodhur sot në Qendrën e Studentëve në Prishtinë, shkruan Gazeta Infokus.
Rastin e ka konfirmuar për Infokus zëdhënësi i Policisë për rajonin e Prishtinës Enis Pllana
Pllana tha se një person ka pësuar lëndime trupore, me ç’rast ka pranuar tretman mjekësor.
“Sot rreth orës 09:30 është pranuar informata për një rrahje në progres në rrugën ‘Agim Ramdani’ në Prishtinë. Me të marrë informatën policia, ka arritur në vendin e ngjarjes dhe ka shoqëruar 3 persona të cilët ishin të përfshirë në rast. Nga informacionet e para dyshohet që një person ka pësuar lëndime trupore dhe i njëjti ka pranuar tretman mjekësor. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka deklaruar Pllana për Infokus.
Mirëpo siç raporton Klan Kosova, bëhet fjalë për personin me inicialet N.B, punëtor i kësaj qendre është sulmuar fizikisht nga disa persona.
Ai është kontaktuar nga mediumi, derisa e ka mohuar një gjë të tillë.
“Jo nuk është e vërtetë se jam sulmuar fizikisht”, tha ai shkurtimisht.
