Përshëndetje! Jam nënë e tre fëmijëve. I kam dy vajza të martuara, njërën prej të cilave kam dëshirë ta ndaj nga burri, shkaku i problemeve të vazhdueshme me burrë.
Kohëve të fundit vajzën nuk po e shoh mirë as me shëndet. Është tepër e rënduar dhe e pakënaqur në jetë, edhe pse ajo nuk më ankohet shumë.
Burri i saj, me sa di unë, ka edhe femra të tjera, prandaj e ndjej të rrugës që ajo të largohet nga burri.
A do të ndodhë ndarja e tyre?
“Dëshira nga larg”
Përgjigje:
Sado që ti ke dëshirë të ndahet vajza jote nga burri, jeta e tyre do të vazhdojë. Ata kanë fëmijë dhe kjo nuk është e lehtë të ndodhë, kur ata veç janë familje.
Ti nuk ke mundur të kesh ndikim as kur janë martuar, e lëre më tani, që jeta e tyre ka marrë kah dhe kuptim.
Në rastin e vajzës tënde, nuk është vetëm një pyetje se a do të ndahet vajza… Ka edhe shumë pyetje që duhet të bëhen para se kjo të ndodhë:
Ku do të mbetën fëmijët e vajzës suaj?
A është edhe burri i gatshëm ta pranojë ndarjen?
A do të ndodhë ky proces me miratimin e të dyve?
A do jeni ju në gjendje t’i mbani fëmijët e vajzës?
A do të mund ta përballojë vajza jote jetën pa fëmijët e vet, nëse burri nuk i jep fëmijët?
Pra, është një problem me shumë probleme dhe të gjitha këto probleme japin xixa që shkaktojnë flakë, e pastaj edhe zjarr…
