Aktorja Teuta Krasniqi është mjaft e komentuar qoftë për karrierën e saj të suksesshme, por edhe për jetën e saj private.
Pas ndarjes nga këngëtari Blero, aktorja tashmë prej vitesh ka një jetë të lumtur pranë Adonisi me të cilin ka edhe një vajzë.
E ftuar së fundmi në emisionin “Ky emër nuk ka nevojë për prezantim” Teuta ka folur më shumë për jetën private dhe planet në karrierë.
Ndër tjera aktorja u shpreh se edhe pse më parë nuk e kishte menduar një martesë të dytë, tashmë me lumturinë që ndjen, ka në plan edhe një dasmë të dytë.
Teuta tha se mendojnë të organizojnë një event më privat, por që do të realizohet pas disa vitesh, atëherë kur ajo dhe Adonisi shënojnë 10 vjetorin e lidhjes.
Ndërsa, ajo poashtu u shpreh se po mendon të shtojë familjen edhe me një fëmijë të tretë.
