Hysni Gërguri ka bërë të ditur se ka dhënë dorëheqje nga pozita e kryetarit të Degës së Lidhjes Demokratike të Kosovës në Vushtrri.
Ai në një postim në Facebook ka bërë të ditur se dorëhiqet edhe nga pozita e asamblistit në Kuvendin Komunal në Vushtrri.
Pas kësaj dorëheqje, drejtimin e degës së LDK-së në Vushtrri e ka marrë, kryetari i Komunës së Vushtrrisë, Xhafer Tahiri që vjen nga kjo parti.
Madje Tahiri e ka falënderuar Gërgurin përmes një njoftimi në llogarinë e tij në Facebook.
“Më lejoni që në emrin tim e të gjithë qytetarëve të Vushtrrisë, të ju falënderoj nga zemra për kontributin tuaj të jashtëzakonshëm për LDK e për Vushtrrinë”.
Ndryshe, Lidhja Demokratike e Kosovës ka marrë 13.07 për qind të votave sipas rezultateve preliminare të KQZ-së, duke e renditur atë në vendin e tretë pas Vetëvendosjes, fituese e zgjedhjeve dhe PDK-së, duke bërë kështu që kryetari i kësaj partie Isa Mustafa të jep dorëheqje.
https://www.facebook.com/xhafertahiriofficial/posts/1622053171325223
