E ditur, e njohur, se edhe emri i saj tashmë është brend, shkruan Kosovarja, për Blerina Kllokoqi Rugova .
Është themeluese e brendit të saj shumëvjeçar, “BKR”
Është nga dizajneret më të suksesshme kosovare. E njohur edhe përtej kufijve për stilin e saj unik.
Shkurt, emri i saj, ka zënë vend edhe në skena e evente prestigjioze ndërkombëtare.
Megjithatë, pas shumë viteve të suksesshme në fushën e modës, Kllokoqi-Rugova ka nisur punën edhe për themelimin e një brendi të dytë.
Bëhet fjalë për “Bukur World”, i cili do të jetë brendi i parë vendor me veshje të gatshme për t’u veshur, nga çorapet e deri te aksesorët.
Kreatorja unike kësaj radhe , me ndjekësit e saj në rrjetet sociale ndau disa postime, duke paralajmëruar hapjen e dyqanit të parë të këtij brendi.
Ajo planifikon që dyqanin e parë ta hapë në Prishtinë dhe më pas në disa lokacione të tjera , të qendrave të Kosovës si edhe të rajonit . /Kosovarja/