E shpejtë, e shijshme dhe e shëndetshme!
Kujdes me sasinë e gjalpit sepse përveç tij, të gjithë përbërësit e recetës janë të ushqyeshëm.
Përbërësit për dy omëleta:
▪ 4 vezë
▪ 2 speca
▪ 1 domate të madhe
▪ 1 qepë e kuqe
▪ proshutë
▪ djathë kaçkavall
▪ kripë, piper
▪ pak qumësht
▪ gjalpë
Përgatitja:
Presim specat, qepët dhe domatet; domatet në feta, specat dhe qepët i presim në shirita të hollë.
Rrahim dy vezët veç e veç. I shtojmë pak qumësht secilës dhe kripë me piper.
Në tigan, hedhim së pari pak gjalpë e më pas vezët e rrahura.
Sapo të piqen nga njëra anë, i kthejmë dhe hedhim të gjitha perimet.
I lëmë për pak minuta të gjitha bashkë në tigan dhe e palosim vezën si në fotografi.
